A historia do vello cárcere de Lugo

O vello cárcere de Lugo, ubicado no centro da cidade, foi edificado durante o século XIX baixo as pautas do sistema panóptico ideado por Jeremy Bentham. Alí foron recluídos boa parte dos presos e presas políticas da provincia e outras partes do Estado na época da Guerra Civil. Nós Televisión afonda nesta reportaxe no que supuxo este cárcere e no papel do Concello de Lugo, que rehabilitou o edificio para abrilo de novo cun uso socio-cultural. Tamén se recolle o papel de moitos investigadores e investigadoras que non cesan no seu empeño por devolverlle a dignidiade ás vítimas e colocalas na memoria de toda a sociedade.