Anacos de vida: Ep.8

Presentado por Aser Álvarez e Alba Prol, este novo formato audiovisual está centrado na recuperación da memoria gráfica e oral. O equipo do programa percorrerá diferentes vilas e aldeas de Galicia a bordo dunha máquina do tempo moi especial, para descubrir as pequenas e as grandes historias que se agochan tralas fotos antigas dos arquivos familiares. Comeza unha nova viaxe na máquina do tempo de 'Anacos de Vida', que levará os espectadores ata o concello ourensán de Maceda, onde descubrirán as pequenas e as grandes historias que agochan as fotos antigas dos veciños e veciñas das once parroquias deste val protexido pola Serra de San Mamede.