Irmás na Fala: Militantes do galego - Elvira Bao e María Miramontes

Ao redor de duascentas mulleres compuxeron os inicios da 'Sección Feminina' das Irmandades da Fala mais os seus nomes apenas configuran a nosa memoria. As mulleres das Irmandades da Fala traballaron na creación das Escolas de Insiño Galego, nos grupos de teatro, deseñaron propaganda, coseron bandeiras, traduciron obras literarias ao galego, debateron, cantaron e actuaron ante o pobo, e finalmente moitas delas militaron no Partido Galeguista. A represión, tras o golpe do 36, acabaría co asasinato, exilio ou silenciamento de mulleres que hoxe debemos reivindicar. Para coidar o seu legado, e divulgalo á sociedade, Nós Televisión realizou esta serie documental: 'Irmás na Fala'.