O Circo de Artesáns, Ateneo de Galicia

O Circo de Artesáns é unha Sociedade que ten xa máis de 175 anos de historia e da que milleiros de coruñeses e coruñesas foron socios, conservándoa con orgullo e coidado até os nosos días e converténdoa na entidade deste tipo máis antiga de Galicia. Manuel Murguía, Emilia Pardo Bazán, Curros Enríquez, Eduardo Pondal, Castelao, Vicente Risco ou Sofía Casanova foron só algunhas das persoas que atravesaron as súas portas. No seu interior, relevantes conferencias, célebres concertos e importantes reunións enriqueceron o xa de por si vibrante ambiente intelectual coruñés.