Cantigas de Santa María, por que en galego?

Dende os séculos XII ao XV, o galego foi a lingua por excelencia da lírica da Península Ibérica. Unha das xoias literarias, musicais e pictóricas daquel tempo son as Cantigas de Santa María. A corte de Afonso X escribiunas en galego para avalar a súa candidatura como emperador ante o Papa. Pero, por que en galego? Que importante papel xogaba a lingua galega en semellante operación estratéxica do monarca? Nesa reportaxe, Nós Televisión intenta dar resposta a estas e outras preguntas relacionadas.