Rostros do país (T1): Rostros do país: Miguel Ángel Santalices

Miguel Ángel Santalices entrou na primeira liña da política galega despois dunha ampla experiencia como xestor sanitario, dirixindo o Hospital Xeral de Vigo e o de Ourense. Conta con orgullo como, antes de se decidir por iniciar os estudos de Medicina, o seu pai o levou a pedir consello a Don Ramón Otero Pedraio e que este, nada máis que o animou a ¿tocar a gaita como o seu tío avó¿, o célebre Faustino Santalices. A entrada en política deste arraiano, nacido no concello de Bande, prodúcese a comezos dos anos noventa, cando se incorpora ao Partido Popular. Desde a Quinta lexislatura do Parlamento de Galicia exerce de deputado e é a partir do ano 2016 cando pasa a presidir esa institución. Miguel Ángel Santalices recibe a Nós Televisión na biblioteca do Pazo do Hórreo e ao longo da conversa vai debullando as súas ideas sobre Galicia, o galeguismo e os retos que temos como sociedade neste século XX.