Rostros do país (T1): Rostros do país: Teresa Táboas

Desde moi nova Teresa Táboas é consciente da importancia do territorio na conformación da identidade galega. Filla de emigrantes galegos, nace na cidade de México, aínda que a familia mantén un contacto constante con Galicia. De firmes conviccións nacionalistas, Táboas foi, desde agosto de 2005 até abril de 2009, Conselleira de Vivenda e Solo da Xunta de Galicia durante o goberno de coalición do PSdeG co BNG. Foi a primeira muller en acceder ao cargo de Decana-Presidenta do Colexio Oficial de Arquitectos de Galicia e a segunda muller Conselleira Titular do Consello Superior dos Consellos de Arquitectos de España desde 1931. En xullo de 2021 é electa membro do Consello da Unión Internacional de Arquitectos. Nós Televisión conversa con ela na Biblioteca do Museo do Pobo Galego para falarmos de nacionalismo, xestión institucional, a importancia de seguir rachando o teito de cristal e os desafíos territoriais aos que se enfronta Galicia.