Rostros do país (T1): Rostros do país: Tiago Alves Costa

O poeta e escritor Tiago Alves naceu en Vila Nova de Famalicão, Portugal. Pese á proximidade xeográfica da súa orixe, ao chegar a Galicia deu con algo que non agardaba: Atopar a galeguidade que ía nel. Licenciado en publicidade pola Universidade de Florida, é o primeiro escritor portugués en se integrar na Asociación de Escritores e Escritoras en Lingua Galega. Autor dunha obra poética que diáloga con outros xéneros literarios, Alves é tamén codirector da revista dixital de artes e letras Palavra Comum: un proxecto con vocación de comunicar distintas expresións artísticas do espazo da lusofonía. Tiago Alves tamén é membro da Associaçom Galega da Língua e na actualidade reside na Coruña. Sobre a necesidade de tender pontes, de abrir mapas e de superar fronteiras xira esta conversa que mantén con Nós Televisión.